bosniye-gértségowinada partizan xatire qebristanliqigha hujum qilish weqesi yüz berdi
bosniye-gértségowinaning jenubidiki mostar shehirige jaylashqan partizan xatire qebristanliqigha namelum kishiler teripidin hujum qilindi.
türkiye awazi radiyosi xewiri: bosniye-gértségowinaning dölet yadikarliqliridin biri hésablinidighan qebristanliqqa qilinghan hujumda, rayondiki barliq qebre tashliri buzghunchiliqqa uchridi.
mostardiki nor fashistliqqa qarshi eskerler jemiyitining reisi séad dijulik axbaratqa bergen bayanatida, weqe heqqide jinayi ishlar sotigha erz sunushqa teyyarliq qiliwatqanliqini bildürüp: «qebristanliqqa buzghunchiliq qilghanlarning isim-familisini élan qilimiz. hazirgha qeder qilinghan eng chong hujumgha duch kelduq» dédi.
yerlik taratqularning xewerliride, partizan xatire qebristanliqida 700 qebre téshining barliqi bildürüldi.
mostar sheher bashliqi mariyo kordich qebristanliqning yéngilinidighanliqini éytti.
mostarda 1965-yili sélinghan qebristanliqta ikkinchi dunya urushi jeryanida (1939-1945) yugoslawiye üchün küresh qilghan partizanlarning qebrisining barliqi melum.
