paludin yene quran kerimni köydürdi
daniyelik irqchi keskin yönilish partiyesi rehbiri rasmus paludan shiwétsiyening wastra götaland rayonida yene quran kerimni köydürdi.
türkiye awazi radiyosi xewiri: irqchi paludan, shiwétsiyening wastra götaland rayonida, musulmanlarning nopusi köp bolghan frolunda, boras we trollhattan qatarliq olturaq rayonlirida, saqchilarning qoghdishi astida quran kerimni köydürdi.
qarshi terep namayishchiliri naraziliq bildürgen ighwagerchilikte, texminen 100 saqchi paludanni qoghdidi, shiwétsiye axbarat idarisi (SEPO) ning 10 puqrache kiyingen saqchisimu uni qattiq qoghdidi.
rasmus paludanni, ighwagerchilik qilip, quran kerimni köydüridighan jaygha, 20 saqchi mashinisi shiwétsiye axbarat idarisigha ait oq ötmeydighan bironiwik aptomobil bilen élip bardi.
borastiki ighwagerchilik jeryanida, qarshi terep namayishchiliridin saqchilar teripidin tosuwélinghan 6 kishi, deryagha sekrep paludanning yénigha barmaqchi boldi. paludanning yénighiche su üzüp barghan namayishchilar nazaret astigha élindi, biri qolgha élindi.
rasmus paludan quran kerimni köydürüwatqanda, qarshi terep namayishchiliridin yighlap hoshidin ketkenler boldi.
hem daniye hem shiwétsiye puqrasi bolghan paludan, daniyening oxshimighan sheherliride, 2017 – yildin buyan quran kerimni köydürüshtek ighwagerchiliklerde bolmaqta.
