xitay puqralirining chetelge chiqishini chekleydighanliqini élan qildi

türkiye awazi radiyosi xewiri: xitay döletlik köchmenler idarisi wuxen wirusi (19-kowid) yuqumi sewebidin zörür bolmighan ehwalda chet elge chiqishqa ruxset qilinmaydighanliqi, pasport we sayahet höjjetlirining testiqlinishida tepsiliy tekshürüshlerning yolgha qoyulidighanliqini élan qildi.

xitayda wuxen wirusi weziyitining «halqiliq we texirsiz nuqtida» ikenliki tekitlengen bayanatta yene, aldinqi hepte dölet reisi shi jinpingning riyasetchilikide chaqirilghan aliy qarar chiqirish orgini xitay kompartiyesi (CCP) siyasiy biyurosining daimiy komitéti yighinida, wuxen wirusigha qarshi küreshke alaqidar maqullanghan qararlar tekitlendi.

shi jinping yighinda «yuqumlinishni nölge chüshürüsh» siyasitini muressesiz halda dawamlashturidighanliqlirini jakarlidi.

xitayda wuxen wirusi qaytidin bash kötürgendin buyan hem chet elliklerning chet eldin kélishi, hem xitay puqralirining chet elge chiqishi asasen dégüdek cheklengen weziyette turuwatqan bolup, puqralar pasportini yéngilashtimu qiyinchiliqqa duch kelmekte.  

wiza resmiyetlirining jeryanimu uzirap, nöwetchi ayropilanlarning toxtitilishi we cheklik halgha keltürülüshi sewebidin chet elliklerning chégradin kirishimu intayin qiyinlashqan ehwalda.

resmiy sanliq melumatlargha asaslanghanda, xitayda 2021-yili xelqaraliq sayahet 2019-yildikige sélishturghanda %80 azayghan.