jonson: ukraina rusiyeni meghlub qilidu we erkin döletke aylinidu
engliye bash weziri boris jonson ukrainaning rusiyeni meghlub qilip, qaytidin erkin döletke aylinidighanliqini éytti.
türkiye awazi radiyosi xewiri: engliye bash weziri boris jonson sinliq shekilde ukraina parlaméntigha xitab qildi.
u ukraina xelqining üstige bashqurulidighan bomba we bombilarni yaghdurushni dawam qiliwatqanliqini, rusiye pirézidénti wladimir putinning urushni dawamlashturuwatqanliqini bildürdi.
u ötküzülgen urush jinayetlirining bucha, irpin we xostomél qatarliq rusiye eskerliri chékinishke mejbur qalghan jaylarda otturigha chiqqanliqini qeyt qildi.
u mundaq dédi:
«ukraina ghelbe qilidu, ukraina erkin bolidu.»
ukrainaning kiyéwghiche yétip barghan rusiye armiyesini meghlubiyetke uchratqanliqini eskertip: «putinning yéngilmes ikenliki epsanisini tügettinglar. herbiy tarixinglar we dölitinglarning tarixidiki eng körkem bölümliridin birini yazdinglar» dédi.
u héchkimning ukrainaliqlargha bir sheyiyni zorlap tangalmaydighanliqini tekitlep, urushtin ilgiri tanka atar ewetkenliklirini xatiriletti.
u: «emdi tanka we bironiwik qatarliq bir qanche ming xil qoral-yaraghlarni ewetimiz. kéyinki heptilerde brimston (Brimstone ) kéme atarlarni we stormér (Stormer ) ayropilan atar sistémilirini ewetimiz. puqralarni hujum astidiki rayonlardin tarqaqlashturush we mesullarni qoghdash üchün bironiwiklar bilen teminleymiz» dédi.
u 300 milyon stérling (texminen 5.5 milyard lira) liq yéngi yardem pilanini élan qildi we ukrainagha iqtisadiy hemde insanperwerlik yardemlirini yetküzüshni dawamlashturidighanliqlirini qeyt qildi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.