данийәлик сийасәтчиниң йеңи иғвагәрчилики
данийәлик әсәбий оңчил тар йөнилишлик партийәсиниң рәһбири расмус палудан, шиветсийәниң пайтәхти стокһолимда сақчиларниң қоғдиши астида қуран кәримни көйдүрүштәк иғвагәрчиликини аммиви ортақлишиш тор бетидики сәһиписидә һәмбәһирлиди.
түркийә авази радийоси хәвири: түркләр вә мусулманлар зич олтурақлашқан ринкеби мәһәллисидә, җүмә намизидин кейин қуран кәримни көйдүрүшкә иҗазәт алған палудан, бу қилмишини йүзләрчә сақчиниң қоғдиши астида садир қилди.
кейин йәнә, мәзкур районда қуран кәримни көйдүрүп иғвагәрчилик қилған расмус палуданға, әтрапта йиғилған гуруппа наразилиқ билдүрди, һәмдә сақчилардин палуданни нәқ мәйдандин йирақлаштурушини тәләп қилди, сақчилар болса гуруппиниң тәлипини рәт қилди.
арқидинла, гуруппа билән сақчилар оттурисида тоқунуш йүз бәрди. сақчиларға ташлар билән һуҗум қилған гуруппидин 8 киши қолға елинди.
палудан, алдинқи күни шиветсийәниң җонкопиң шәһиридә қуран кәримни көйдүргәниди. кейин, линкопиң вә норкопиң шәһәрлиридә қуран кәримни көйдүрмәкчи болған палуданға, 200 кишилик гуруппа наразилиқ билдүргәниди. гуруппидин сақчилар билән тоқунушқан 3 киши қолға елинған, 3 сақчи йариланғаниди.
вәқәдә нурғун сақчи аптомобиллири вәйран болған, 2 аптомобилға от қойуп берилгәниди.
