yawropa ittipaqi rusiyege qaritilghan émbargolarning dairisini kéngeytti
yawropa ittipaqi rusiyege qaritilghan «émbargo tizimliki» ge 217 kishi bilen 18 organni ilawe qildi.
türkiye awazi radiyosi xewiri: yawropa ittipaqi kéngishi teripidin élan qilinghan yazma bayanatta bildürüshiche, rusiyege qaritilghan «émbargo tizimliki» ge ilawe qilinghan 217 kishi ichide, kirémil sariyining yuqiri derijilik emeldarliri, moshé kantor, boris roténbérg we olég déripaska qatarliq oligarxlar, énérgiye, pul-muamile, axbarat, mudapie we qoral-yaragh sanaiti qatarliq muhim iqtisadiy sahediki aldinqi qatardiki karxanichilar we «tetür teshwiqatlarni ilgiri sürgüchiiler» mu bar iken.
ilgiri émbargo yürgüzülgen kishilerning buningdin özlirini qachurushining aldini élish üchün, «émbargo tizimnliki» ge ularning aile ezalirimu kirgüzülgen bolup, bular arisida, rusiye pirézidénti wiladimir putinning qizliri mariya wiladimirowna worontsowa we ékatérina wiladimirowna tikxonowamu bar iken.
bu tizimlikke yene, atalmish «donétsik xelq jumhuriyiti» we «luhansk xelq jumhuriyiti» ning ministirliri we «xelq kéngishi» ning ezalirimu kirgüzülgen.
«émbargo tizimnliki» ge kirgüzülgen 18 organning ichide, qatnash saheside paaliyet élip bériwatqan rusiyening töt chong bankisi (Bank Otkritie, Novikombank, Sovcombank, VTB), hemde urush téxnologiyesi yaki mehsulatliri bilen urushta muhim rol oynawatqan herbiy – mudapie sahesidiki shirketlermu bar iken.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.