jonson: i rus xelqi, silerning heqiqetlerni bilish hoquqinglar bar
engliye bash weziri boris jonson rusiye pirézidénti putinning «dunyani chöchütken wehshiyliki» sewebidin urush jinayiti ötküzüsh bilen eyiblengenlikini eskertip, rus xelqidin heqiqetler üstide izdinishni telep qildi.
türkiye awazi radiyosi xewiri: engliye bash weziri boris jonson rus xelqige xitab qilip tarqatqan 1 minut 50 sikuntliq nutuqida, rusche «rus xelqining heqiqetlerni bilish hoquqi bar, silerning heqiqetlerni bilish hoquqinglar bar» dep bashlidi.
u arqidin nutuqini inglizche dawamlashturup, rusiye armiye qisimlirining ukrainaning bucha, irpin we bashqa jaylirida qilghan wehshiylikning dunyani chöchütkenlikini bildürdi.
u mundaq dédi:
«puqralar qirghin qilindi, qolliri baghlanghan halda étip öltürüldi. kichik balilarning köz aldida ayallargha basqunchiliq qilindi. jesetler köydürüldi, kolléktip mazarliqlargha tashlandi yaki kochilargha shu péti tashlap qoyuldi.»
u rusiye hökümitinng «kishini chöchütidighan we kishining könglini ileshtüridighan» bu heriketlirini xelqtin yoshurushqa urunushliridin heyran qalmasliq kéreklikini bildürüp: «pirézidéntinglar, némiler yüz bergenlikini bilsenglar, silerning uni qollimaydighanliqinglarni bilidu» dédi.
u rusiye pirézidénti wladimir putinning bularning rusiyening sheripi üchün éytqanda, bir qara dagh ikenlikini bilidighanliqini eskertip, rus xelqidin heqiqetlerni bilish üchün w p n (VPN) din paydilinip, rusiyede cheklengen intérnét tor betlirini ziyaret qilishni we izdinishni telep qildi.
u axirida, jawabkarlardin hésab sorilidighanliqini tekitlep, nutuqini rusche «pirézidéntinglar urush jinayiti ötküzüsh bilen eyibliniwatidu, emma silerning naminglarda heriket qilghanliqigha ishenmeymen» dep axirlashturdi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
