b d t ukraina-rusiye urushigha munasiwetlik reqemlerni élan qildi

türkiye awazi radiyosi xewiri: b d t ukraina-rusiye urushida, ukrainada eng az dégende 1119 puqraning jénidin ayrilghanliqini, 1790 kishining yarilanghanliqini, 3 milyon 821 ming 49 musapirning qoshna döletlerde panahlanghanliqini bildürdi.

bayanatta, 24-féwraldin 26-martqiche (2022) ukrainadin 3 milyon 821 ming 49 musapirning qoshna döletlerde panahlanghanliqi, buning ichide polshada eng köp ikenliki qeyt qilindi.

ukrainadin polshagha 2 milyon 267 ming 103, ruméniyege 586 ming 942, moldowagha 381 ming 395, wéngiriyege 349 ming 107 we silowéniyege 272 ming 12 musapirning ötkenliki eskertilgen bayanatta, donétsk bilen luxansk rayonlridin 23-21 –féwralda 50 ming kishining rusiyege ötkenliki qeyt qilindi.

ukrainadin qoshna döletlerge barghan musapirlardin nurghunining bashqa yawropa döletlirige ötkenliki bilinidu.

b d t gha qarashliq xelqara köch teshkilati (IOM) ukrainada 6.5 milyon puqraning yurt-makanliridin ayrilghanliqini, buning bilen qoshna döletlerge ötken musapirlarni qoshqanda, yurt-makanliridin ayrilghan ukrainaliqlar sanining jemiy 10 milyongha yetkenliki qeyt qilindi.

b d t kishilik hoquq aliy komissarliqigha asaslanghanda, ukraina-rusiye urushida 24-féwraldin 26-féwralghiche eng az dégende, 1119 puqra jénidin ayrilghan, 1790 puqra yarilanghan.

bayanatta, eslide jénidin ayrilghanlar we yarilanghanlar sanining, éniqlanghan reqemdin téximu köp ikenliki tekitlendi.