«‹teywen boghuzi› ni muqimsizlashturush ighwagerchilikige jawab qayturimiz»
xitay «teywen boghuzi» ni muqimsizlashturush meqset qilinghan ighwagerchilikke jawab qayturidighanliqi toghruluq agahlandurushta boldi.
türkiye awazi radiyosi xewiri: xitay xelq azadliq armiyesi bayanatchisi wu chyen, «teywen boghuzi» ni muqimsizlashturush we xitayning asasliq menpeetlirige tehdit sélish meqset qilinghan ighwagerchilikke qarshi türlük chare - tedbirlerni qollinidighanliqlirini eskertish bilen bir waqitta, teywendiki hakimiyet yürgüzüwatqan démokratik algha ilgirilesh partiyesi dairilirining, rusiye – ukraina urushi bilen tywen arilining weziyitini bir - birige oxshitish teshebbusida boluwatqanliqini, amérika qoshma ishtatliridiki bir qisim siyasiyonlarning «xitay tehditi» teriqisidiki bayanatliri arqiliq bu teshebbusni qollawatqanliqini ilgiri sürüp mundaq dédi: «teywen ukraina emestur, teywen mesilisi xitayning ichki ishliri bolup, chet elning arilishishini qobul qilghili bolmaydu. her qandaq adem yaki küch, xitayning qaytidin birlishishini tosiyalmaydu.»
igilinishiche, béyjing hökümiti, «birla xitay» pirinsipini qollinip, teywenning öz zéminining bir qismi ikenlikini ilgiri süridiken. xitay, déngiz boghuzi we etrapidiki herbiy mewjudiyitidin bashqa, teywenning dunya döletliri bilen musteqil diplomatik munasiwet ornitishigha, shundaqla, birleshken döletler teshkilati we bashqa xelqaraliq teshkilatlarda wekillik qilinishigha qarshi turidiken.
