amérika: uchush cheklengen rayon élan qilish rusiye bilen biwasite urushni keltürüp chiqirishi mumkin
amérika, rusiye bilen urushni keltürüp chiqirish éhtimali bolghachqa, ukraina hawa tewelikini «uchush cheklengen rayon» dep élan qilish qedimini basmaydighanliqini bildürdi.
türkiye awazi radiyosi xewiri: aqsaray bayanatchisi jén psaki, ukraina pirézidénti wiladimir zélénskiyning ukraina hawa tewelikini «uchush cheklengen rayon» dep élan qilish chaqiriqigha jawab qayturup, buning rusiye bilen biwasite urushni keltürüp chiqiridighanliqini, shunga washingtonning bundaq qilishni pilanlimighanliqini éytti.
jén psaki aqsarayda ötküzülgen muxbirlarni kütüwélish yighinida söz qilip: «ukraina hawa tewelikining uchush cheklengen rayon dep élan qilinishi, buning ijra qilinishini telep qilidu. buninggha asasen, amérika eskerlirining rusiye ayropilanlirini étip tashlishigha toghra kélidu, bu amérika bilen rusiye otturisida biwasite urushni keltürüp chiqiridu. biz buningdin saqlinishni xalaymiz» dédi.
u, 24- féwral ukrainagha urush achqan rusiyening birleshken döletler teshkilati xewpsizlik kéngishidin chiqiriwétilishi heqqidiki chaqiriqlar heqqide toxtilip: «biz hazirche bundaq bolidu, dep qarimaymiz» dédi.
amérikaning rusiyege yürgüzülgen iqtisadiy jazalarning bir qismi süpitide rus néfitini import qilishni cheklishi kérekliki toghrisidiki chaqiriqlargha jawab qayturghan psaki, buning amérikadiki gaz bahasini östürüwétidighanliqini éytti we sözini dawamlashturup: «biz rusiyege iqtisadiy bésim ishlitish bilen bir waqitta, yéqilghu bahasining ösüp kétishinimu xalimaymiz» dégenlerni qeyt qildi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.