emine erdoghan xelqara jemiyetni derhal heriketke ötüshke chaqirdi
jumhur reis rejep tayyip erdoghanning repiqisi emine erdoghan rusiyening hujumliri aldida xelqara jemiyetni ukraina üchün derhal heriketke ötüshke chaqirdi.
türkiye awazi radiyosi xewiri: emine erdoghan, ammiwi ortaqlishish tor béti Twitter sehipiside élan qilghan bayanatida, bir ana, bir ayal bolush süpiti bilen, ukrainada yüz bériwatqan zorawanliqni tolimu epsuslinarliq tuyghusi ichide közitiwatqanliqini, bolupmu ayallar we balilargha tesir qilidighan urushlarning insaniyet tarixidiki qara daghlar ikenlikini eskertish bilen bir waqitta, urushqa qatnashqanlargha oxshashla, süküt ichide heqiqetke közini yumuwalghanlarningmu bu qara daghlarning mesuliyitini wijdani jehettin öz üstige élishi kéreklikini tekitlep mundaq dédi: «untup qalmayli, urush hemishe köz yéshi we yillarche pütmes - tügimes palaketlerni élip kélidu. dini, tili we irqi qandaq bolushidin qetiynezer, biz hemishe ézilgen we zulumgha uchrighan xelqlerning yénidin orun élip kéliwatimiz. janabiy allah pütkül ézilgüchi we zulumgha uchrighuchi xelqlerning yardemchisi bolsun! tinchliq ornitilishi üchün, xelqara jemiyetni derhal heriketke ötüshkechaqirimen.»
rusiye, 24 – féwral küni ukrainagha herbiy heriket qozghighanidi.
