bash wezir boris jonson rusiyeni yene bir qétim agahlandurdi

türkiye awazi radiyosi xewiri: bash wezir boris jonson bélgiye paytexti biryussélda nato bash katipi stolténbérg bilen körüshkendin kéyin, polsha paytexti warashawagha yétip bérip, pirézidént matéus morawiéyékki (Mateusz Morawiecki) bilen körüshti we axbarat élan qilish yighini ötküzdi.

pirézidént matéus engliyege polshagha esker ewetkenliki üchün teshekkür éytip, rusiye pirézidénti putinning siyasiy meqsitining natoni tarqitiwétish ikenlikini bildürüp: «bu sewebtin qanchilik ittipaq ikenlikimizni, ittipaqning qanchilik uyushqan ikenlikini körsitishte qetiy qarargha ige bolushimiz kérek» dédi.

u gérmaniye hökümitigimu xitab qilip: «2-shimaliy éqim tebiiy gaz turuba linyesini bésim qilishning wastisi qilip paydilanmasliq kéreklikini baldurraq élan qilishinglar kérek» dédi.

engliye bash weziri boris jonson ukrainaning ishghal qilinish éhtimaligha qarshi rusiyege bir yürüsh émbargo yürgüzüsh pilani  teyyarlighanliqlirini alahide tekitlep: «polsha bilen engliye küchlük döletning qoshnilirini bozek qilidighan yaki ulargha hujum qilidighan dunyani qobul qilmaymiz. chünki barliq kishilerning qeyerde tughulushidin qetiynezer, bixeter yashash, özlirini kimning bashqurushini tallash, xalighan teshkilatlargha qatnishishni qarar qilish, xalighan teshkilattin chiqip kétish hoquqi barliqigha ishinimiz. bu pirinsiptin waz kechmeymiz» dédi.