birma bixeterlik qisimliri ötken yili az dégende 114 kichik balini öltürdi
birma bixeterlik qisimlirining ötken yili féwraldiki herbiy özgirishtin buyan az dégende 114 kichik balini öltürgenliki bildürüldi.
türkiye awazi radiyosi xewiri: birleshken döletler teshkilati bayanatchisi farxan heq: «2021-yili 1- féwraldiki herbiy özgirishtin buyan3 yashtin 17 yashqiche bolghan kem dégende 114 ösmür birma bixeterlik qisimliri teripidin öltürüldi. buning ichide mushu yanwar éyidila öltürülgen ösmürlerning sani 18» dédi.
farxan heq yarilanghan ösmürler sanining téximu köp ikenlikini tekitlep, döletning bixeterlik qisimlirigha, b d t ning 2019-yili imzalighan b d t balilar hoquqi ehdinamisigha asasen balilarning heq- hoquqini qoghdash mejburiyitini eskertti.
birma armiyesi 2021-yili chong saylamda aldamchiliq bar dégen söz- chöcheklerni we dölet ichide siyasiy jiddiylik yüz bergenlikini bahane qilip, 2021-yili 1- féwralda hökümetni aghdurghan idi.
birma armiyesining herbiy özgirishke qarshi namayishchilargha we qozghilangchi guruppilargha qoralliq arilishishi netijiside, hazirgha qeder 902 adem jénidin ayrilghan idi.
siyasiy mehbuslargha yardem bérish teshkilati (AAPP) ning xewirige asaslanghanda, jénidin ayrilghanlarning sani 1400 din éship ketken we 10 minggha yéqin kishi qolgha élinghan.
birmada keng kölemlik namayishlar dawam qilmaqta. yene bir tereptin, yuqiri derijilik hökümet emeldarliri herbiy sotlarda sotlanmaqta.
