ئامېرىكا يەنە بىر قېتىم مۇداپىئە خامچوتىغا پ ك ك غا ياردەم قىلىش پىلانىنى كىرگۈزدى

تۈركىيە ئاۋازى رادىيوسى خەۋىرى: 740 مىليارد دوللىرى مۇداپىئە مىنىستىرلىقى خامچوتى، 27 مىليارد 800 مىليون دوللىرى ئېنېرگىيە مىنىستىرلىقى قارمىقىدىكى مۇداپىئە خامچوتى ۋە 400 مىليون دوللىرى باشقا مۇداپىئە چىقىملىرى بولۇپ جەمئىي 768 مىليارد 200 مىليون دوللارلىق دۆلەت مۇداپىئەسى سالاھىيەتلەندۈرۈش قانۇنى بايدىننىڭ ئىمزاسى بىلەن قانۇنلاشتى.

ئەرمەن ۋە رۇم لوبىسىغا يېقىنلىقى بىلەن تونۇلغان نيۇجېرسىي ئىشتاتى كېڭەش پالاتا ئەزاسى، شۇنداقلا كېڭەش پالاتاسى تاشقى مۇناسىۋەتلەر كومىتېتىنىڭ رەئىسى بوب مېنېندېزنىڭ، تۈركىيەنىڭ قوراللىق ئۇچقۇچىسىز ھاۋا ئاپپاراتى پىروگراممىسىنى يېقىندىن كۆزىتىش لايىھەسىمۇ دۆلەت مۇداپىئەسى سالاھىيەتلەندۈرۈش قانۇنى دائىرىسىگە كىرگۈزۈلدى.

ئامېرىكا سۈرىيەدە ھەمكارلىشىۋاتقان «SDG» ناملىق بۆلگۈنچى تېررورلۇق تەشكىلاتى پ ك ك / ي پ گ نى داۋاملىق قوللاشنى تەشەببۇس قىلىدىغان بۇ قانۇن، بايدىننىڭ بۇ دۆلەتكە قارىتا ئەتراپلىق ئىستراتېگىيەلىك پىلان ئوتتۇرىغا قويۇشىنى تەلەپ قىلىدۇ.