йапонийә мәликиси билән тонушушни халайдиған бир әр оғрилиқчә империйә ордусиға кирди
йапонийәниң империйә ордиси мәйданиға оғрилиқчә киргән җинайәт гумандари сақчиларға бәргән байанатида, өзиниң ордиға 20 йашлиқ мәликә айко билән тонушуш үчүн киргәнликини ейтти.
түркийә авази радийоси хәвири: исми ашкариланмиған 56 йашлиқ җинайәт гумандари бихәтәрлик тосақлиридин өтүп, токйодики империйә ордиси мәйданиға кирди.
токйо сақчи даирилири тәрипидин елан қилинған байанатта, түнүгүн ординиң һиракава мон намлиқ кириш еғизиға йамишип, мәйданға киргән кишиниң бихәтәрлик хадимлири тәрипидин байқилип дәрһал назарәткә елинғанлиқи билдүрүлди.
җинайәт гумандари сақчиға бәргән байанатида, император нарухито вә император ханиши масакониң бирдинбир пәрзәнти болған 20 йашлиқ мәликә айко билән тонушмақи болғанлиқи үчүн шундақ қилғанлиқини ейтти.
дикабирдиму йапонийә императори нарухито вә униң аилә-тавабиатлири туридиған акасака империйә сарийидики туралғу бинасиға рухсәтсиз бөсүп киргән йәнә бир җинайәт гумандари империйә қаравуллири тәрипидин назарәткә елинған иди.
қаттиқ бихәтәрлик тәдбирлири йолға қойулған меһманхана арқилиқ ордиға оғурлуқчә киргән 29 йашлиқ әр 2 саәттин кейин байқалған иди.
қолға елинған гумандарниң сақчиға «мән империйә аилисидикиләр билән тонушушни халайтим» дегәнлики елан қилинған болуп, гумандарниң бирәр империйә аилисидикиләр билән көрүшкән йаки көрүшмигәнлики тоғрисида һечқандақ чүшәнчә берилмигән иди.
