yaponiye modérna waksinasi iltimasini testiqlidi
yaponiyede modérna shirkitining wuxen wirusi (Kovid-19) gha qarshi toluqlighuchi shishe waksina üchün sunghan iltimasi testiqlandi.
türkiye awazi radiyosi xewiri: yaponiye sehiye, emgek we parawanliq minstirliqining wuxen wirusi mutexessisler heyiti, modérnaning toluqlighuchi shishe waksinasini emleshke ruxset qildi.
toluqlighuchi shishening sehiye xizmetchilirini asas qilghan halda 18 yash we uningdin yuqiridikiler 2022-yili yanwardin bashlap emlinishke bashlinidighanliqi qeyt qilindi.
modérna waksinasini yaponiyede sétishqa we tarqitishqa mesul takéda shirkiti ötken ay (2021-yili noyabir) üchinchi shishe waksinaning emlinishi üchün iltimas sunghan idi.
ötken ay fayzérning toluqlighuchi shishe waksinasi üchün testiq chiqqan idi.
buning bilen, yaponiyede toluqlighuchi shishe emlinidighan waksina sani ikkige chiqti.
kyodo agéntliqining xewiride bildürülishiche, yaponiye hökümiti wuxen wirusi waksinalirining 2- we 3- shishelirining emlinish waqtini alte aygha chüshürüshni oylashmaqta iken.
