авистиралийәдә 4 оқуғучи шамал учуруп кетип қаза қилди
авистиралийәниң тазманийә өлкисидә, мәктәп бағчисида оқуғучилар үстигә сәкрәп ойнаватқан йәл қәләни шамал учуруп кетиши сәвәбидин 4 оқуғучи һайатидин айрилди.
1748404
түркийә авази радийоси хәвири: авистиралийә медйасиға чиққан хәвәрләргә асасланғанда, девонпорт шәһиридики һилкрест башланғуч мәктипидә өткүзүлгән тәбрикләш паалийити җәрйанида, оқуғучилар сәкрәп ойнаватқан йәл қәләни шамал учуруп кәткән.
тазманийә сақчилири 10 метир егизликтин йәргә чүшкән 6-синип оқуғучилиридин 4 оқуғучиниң һайатидин айрилғанлиқини елан қилди.
тазманийә сақчи идарисиниң башлиқи даррен хин туйуқсиз чиққан қаттиқ шамалниң йәл қәләни учуруп кәткәнликини билдүрди.
авистиралийә баш министири скот моррисонму вәқәгә қарита: «кишиниң ишәнгүси кәлмәйдиған дәриҗидә йүрәкни йара қилидиған вәқә» деди.
сақчиларниң вәқәгә қарита тәкшүрүшлири давамлашмақта.