taliban armiye qurush ishliri bashlidi
afghanistanda taliban waqitliq hökümitining mudapie ministiri yéngi armiye qurush xizmetlirining bashlanghanliqini élan qildi.
türkiye awazi radiyosi xewiri: taliban mudapie ministirliqi yéngi armiye qurush xizmetlirining bashlanghanliqini élan qildi.
bayanatta, 20 kishilik tekshürüsh komitétining qurulghanliqi we komitét ezalirining ministirliqning künlüki astida paaliyetlirini bashlaydighanliqi qeyt qilindi.
bayanatta, komitét ezalirining imkaniyetning bariche eng qisqa waqit ichide «sadiq», intizamchan», «esliheleshken», «toghra» we «mesuliyetchan» armiyening qurulushigha mesul ikenliki qeyt qilindi.
mezkur armiyening islamiy dölet we tüzümige hemde éhtiyajlirigha uyghun halda qurulidighanliqi bildürülgen bayanatta, afghanistan xelqining bixeterliki we tinchliqini kapaletke ige qilish üchün tirishchanliq körsitilidighanliqi eskertildi.
yéngi qurulidighan taliban armiyesining qanche kishilik bolidighanliqi toghrisida melumat bérilmidi. armiyege qobul qilinidighanlargha qandaq shert qoyulidighanliqi, taliban sirtidikilerning qobul qilinidighan yaki qilinmaydighanliqi, sabiq armiye eskerliriningmu qobul qilinip-qilinmaydighanliqi hazirche éniq emes.
taliban 15-awghust (2021) afghanistan hakimiyitini qoligha alghandin kéyin, sabiq dölet armiyesi tarqalghan we nurghunlighan eskerler afghanistandin chiqip ketken idi.
eshref ghéni hökümiti waqtida, döletning texminen 300 ming kishilik armiyesi bar idi.
مۇناسىۋەتلىك خەۋەرلەر
michotaks türkiyege kélidu
girétsiye bash ministiri kériyakos michotakis paytext enqerede dölet ishliri ziyaritide bolidu.