b d t bash ishtabi aldida qoralliq jinayet gumandari teslim boldi
amérika qoshma ishtatlirining niyu york shehiridiki birleshken döletler teshkilati bash ishtabi jaylashqan kochining taqilishigha seweb bolghan qoralliq jinayet gumandari teslim boldi.
türkiye awazi radiyosi xewiri: birleshken döletler teshkilati bash ishtabining 42-ykochining kirish éghizida qoralliq ikenliki körülgen jinayet gumandari sewebidin 1- yol qatnashqa taqaldi.
birleshken döletler teshkilati amanliq saqlash qismimu, bina sirtidiki «bixeterlik ehwali» tüpeyli, barliq xizmetchi - xadimlar, diplomatlar we zhurnalistlargha binadin ayrilmasliq toghrisida agahlandurush berdi.
birleshken döletler teshkilati bash katipi bayanat ishliri ishxanisi teripidin élan qilinghan bayanatta, niyu york saqchi idarisining qoralliq jinayet gumandari bilen söhbet ötküzgenliki, uda birqanche saet dawamlashqan söhbettin kéyin, jinayet gumandarining teslim bolghanliqi bildürüldi.
niyu york saqchi idarisi teripidin élan qilinghan bayanatta, jinayet gumandarining nazaret astida ikenliki we xeterlik ehwalning ötüp ketkenliki eskertildi.
qatnashqa taqalghan yol, jinayet gumandarining saqchilargha teslim bolushidin kéyin échildi, hemde bina etrapidiki qattiq bixeterlik tedbirliri bikar qilindi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
