тунис деңиз тәвәликидә йүзләрчә көчмән қутқузувелинди
тунисниң шәрқий җәнубиға җайлашқан сафаксқа қарашлиқ кәркәнә арили деңиз тәвәликидә, балиларни өз ичигә алған йүзләрчә көчмән қутқузувелинди.
1739255
түркийә авази радийоси хәвири: тунис дөләт мудапиә министирлиқи кәркәнә деңиз тәвәликидә йүзләрчә қалаймиқан көчмәнниң қутқузувелинғанлиқи тоғрисида байанат елан қилди.
байанатта қәйт қилинишичә, тунис саһил бихәтәрлик хадимлири тапшурувалған йип учиға асасән кәркәнә арили деңиз тәвәликидә көчмәнләр олтурған бир қолвақни тохтатқан вә нәтиҗидә 93 кичик бала, 13 айал болуп, җәмий 487 көчмәнни қутқузувалған.
көчмәнләрдин 162 нәпири мисир, 104 нәпири баңладиш, 81 нәпири сүрийә, 78 нәпири маракәш, 13 нәпири ефийопийә, 49 нәпири африқадики башқа дөләтләрдин кәлгән кишиләр икән.
қутқузувелинған қалаймиқан көчмәнләрниң мунасивәтлик органларға тапшуруп берилиши үчүн сафакс портиға апирилғанлиқи билдүрүлди.
