yemen armiyesi istiratégiyelik nuqtilarni qolgha kirgüzdi
yemen hökümiti taiz we hudeyde wilayetliridiki istiratégiyelik nuqtilarning kontrol astigha élinghanliqini uqturdi.
türkiye awazi radiyosi xewiri: yemen armiyesige qarashliq emaliqe birigadiliri bayanatchisi memun elmehjemining bildürüshiche, birleshme armiye, taizning gherbiy jenubida, iran qollawatqan husiylarning kontrolluqidiki rayonlar we hudeydening jenubiy qismida keng kölemlik herbiy heriket élip barghan, bu jeryanda, husiylar déngiz yoli bilen keltürülgen qoral – yaraghlarni özlirining kontrolluqidiki rayonlargha toshushta ishlitidighan xish zawuti we bashqurulidighan bomba hujumliri élip baridighan elghaziye téghinimu öz ichige alghan köpligen istiratégiyelik nuqtilar qolgha kirgüzülgen, onlarche husiy ezasi öltürülgen we yarilanghan, éghir tipliq qoral – yaraghlar pachaqlap tashlanghan.
birleshme armiye yene, taiz bilen hudeydeni bir - birige tutashturidighan ennijeybe rayonining shimaligha jaylashqan jebel ömer we elmehjer rayonlirinimu qolgha kirgüzgen.