талибан кабулда паспорт тарқитишни тохтатти
афғанистанда талибан һөкүмити 7-өктәбир (2021) башлиған паспорт тарқитиш ишлирини пайтәхт кабулда тохтатти.
түркийә авази радийоси хәвири: паспорт баш идарисиниң мудири аләмгүл һәққани ахбарат елан қилип, техникилиқ мәсилиләр түпәйлидин паспорт тарқитишниң тохтитилғанлиқини билдүрди.
у мәсилиләрниң һәл қилиниши билән, паспорт тарқитиш ишлириниң қайтидин башлинидиғанлиқини, кабулдики идарәниң йеңи үскүниләр билән тәминлинидиғанлиқини әскәртти.
у паспорт тарқитишниң пәқәт кабулдила тохтитилғанлиқини вә башқа алтә вилайәттә паспорт тарқитишниң давамлишидиғанлиқини қәйт қилди.
у бир күндә тәхминән 20 миң кишиниң паспортқа илтимас қилидиғанлиқини билдүрүп: «әмма биз, 3000 кишигә паспорт тарқиталаймиз» деди.
талибан һөкүмити пәқәт торда тизимлатқан кишиләр вә афғанистанда давалиналмиған бимарларға паспорт тарқитип бәргән иди.
талибанлар афғанистанға һөкүмранлиқ қилишидин кейин, узун муддәт тақилип қалған паспорт баш идариси 7-өктәбир ечилған иди.
