ئېكۋادوردا تۈرمىدە يۈز بەرگەن ئىسياندا 68 مەھبۇس قازا قىلدى

تۈركىيە ئاۋازى رادىيوسى خەۋىرى: دۆلەت مەتبۇئاتلىرىنىڭ خەۋەرلەر قىلىشىچە، گاياكۇيىل شەھىرىدىكى لىتورال تۈرمىسىدە توپىلاڭ ۋە توقۇنۇش يۈز بەرگەن.

ئالاقىدار مەسئۇللار توقۇنۇشتا قازا قىلغان مەھبۇسلار سانىنىڭ 68 ۋە يارىلانغانلار سانىنىڭ 12 ئىكەنلىكىنى ئېلان قىلغان.

توقۇنۇش ۋە توپىلاڭ داۋام قىلىۋاتقان تۈرمىدە ساقچى ۋە ئەسكەرلەرنىڭ ھەرىكەتلىرى داۋاملاشماقتا.

يەرلىك تاراتقۇلارنىڭ خەۋىرىگە ئاساسلانغاندا، بۇ توقۇنۇش گۇرۇھلار ئارىسىدىكى رەھبەرلىك توقۇنىشى ۋە تۈرمە شارائىتى سەۋەبىدىن كېلىپ چىققان.

پىرېزىدېنت گىلېرمو لاسسو 31-سېنتەبىردە ئۆتكۈزۈلگەن مۇخبىرلارنى كۈتۈۋېلىش يىغىنىدا، مەملىكەتتىكى بارلىق تۈرمىلەردە 60 كۈنلۈك «جىددىي ھالەت» ئېلان قىلىنغانلىقىنى جاكارلىغان.