كىم جوڭئۇن: تېخىمۇ كۆپ ئوفىتسېرلار تەربىيەلىنىشى كېرەك

تۈركىيە ئاۋازى رادىيوسى خەۋىرى: شىمالىي كورېيە مەركىزى خەۋەر ئاگېنتلىقىنىڭ خەۋىرىگە قارىغاندا، كىم جوڭئۇن پايتەخت پيوڭياڭدىكى كىم ئىل سۇڭ ھەربىي ئۇنىۋېرسىتېتىدا ئۆتكۈزۈلگەن شىمالىي كورېيە خەلق ئارمىيەسىنىڭ 92-يىللىقىنى تەبرىكلەش مۇراسىمىدا سۆز قىلغان.

ئۇ ھەربىي ئاكادېمىيەنىڭ ئاساسلىق ۋەزىپىسىنىڭ ئىقتىدارلىق قوماندانلارنى تەربىيەلەش ئىكەنلىكىنى تىلغا ئېلىپ، دۆلىتىنىڭ  جەڭ قىلىش ئىقتىدارىنى ئاشۇرۇش ئۈچۈن تېخىمۇ كۆپ ئوفىتسېرلارنىڭ تەربىيەلەپ يېتىشتۈرۈلۈشى كېرەكلىكىنى تەكىتلىگەن.