ливийәдики сайламниң кечиктүрүлмәйдиғанлиқи билдүррлүди
ливийә сайлам алий комитетиниң рәиси имад әс саиһ сайламниң вақтида елип берилидиғанлиқини, қанунлар парламент тәрипидин өзгәртилгән тәқдирдиму сайламни кечиктүрүшниң һечқандақ сәвәби йоқлиқини байан қилди.
түркийә авази радийоси хәвири: имад әс саиһ «ливийә әл әһһар» қанилиға бәргән байанатида, алий сайлам комитетиниң сайлам җәрйанини тохтитиш керәклики тоғрисида һечқандақ мәктуп тапшурувалмиғанлиқини билдүрди.
ливийә алий кеңишиниң рәиси халид әл мишри түнүгүн елан қилған байанатида, ортақ тонуш һасил қилиш үчүн 24-декабир өткүзүлмәкчи болған пирезидентлиқ вә парламент әзалири сайлиминиң 3 ай кечиктүрүлүши мумкинликини оттуриға қойған иди.
ливийә алий кеңишиниң сайламниң алдини елиш үчүн күч ишләтмәйдиғанлиқини тәкитлигән мишри сайламни байқут қилишқа чақирған иди.
ливийә хәлқара йиғини җүмә күни франсийә, германийә вә италийәниң ортақ рийасәтчиликидә фирансийәниң пайтәхти парижда өткүзүлгән иди.
йиғинниң хуласә доклатида, ливийәдә 24-декабир өткүзүлмәкчи болған пирезидентлиқ вә парламент әзалири сайлиминиң «әркин, сиғдурушчан, очуқ-ашкарә вә ишәнчлик» болишиниң муһимлиқи тәкитләнгән вә сайлам мусаписигә бузғунчилиқ қилмақчи болғанларға җаза бериш керәклики тәкитләнгән иди.
