xitayda kowid-19 ning délta wariyanti keng tarqilishqa bashlidi
xitayda kowid-19 ning délta wariyanti nurghunlighan ölke we rayonlarghiche tarqaldi.
türkiye awazi radiyosi xewiri: xitay döletlik sehiye komitéti ilgiri sürgen sanliq melumatlargha asaslanghanda, öktebir (2021) ning otturiliridin buyan royxetke élinghan yerlik menbelik yuqumlanghanlarning sani 500 ge yéqinlashqan.
yéqinqi 24 saet ichide, xitayning gherbiy jenubidiki chungching shehiri we sichüen ölkisining merkizi chéngdumu yerlik menbelik yuqum keng tarqiliwatqan sheherler qatarigha kirgüzülgen.
döletlik sehiye komitéti tünügün (2021-yili 3-noyabir) bir kündila xitay chong quruqluqida 93 kishi yerlik menbelik bolup, jemiy 109 yéngi yuqumlanghuchining bayqalghanliqini élan qildi.
paytext béyjingda tünügün 9 yuqumlanghuchi royxetke élinghan bolup, bu qétémqi yuqumlinish dolqunida yuqumlanghuchilar sanining 43 ke köpeygenliki bildürüldi we béyjingni sayahet qilish cheklendi.
béyjingning shimalidin 260 kilométir yiraqliqtiki xébiy ölkisige qarashliq shijuajuang shehiride jiddiy halet élan qilindi. yuqumlinish nisbiti yuqiri bolghan xijuang yézisi pütünley karantinagha élindi.
rusiye bilen chégralinidighan gherbiy shimaldiki xéylongjyang ölkisige qarashliq xéyxi shehiridimu bir künde 26 kishide yuqumlinish bayqalghandin kéyin «yuqiri xeterlik rayon» dep élan qilindi.
