гарибашвили: кавказ районидики муз тағлириниң % 40 и ғайиб болди
гирузийә баш министири иракли гарибашвили мол тәбиәт гүзәлликлиригә игә кавказ райониниң килимат өзгириши сәвәбидин % 40 муз тағлиридин айрилип қалғанлиқини ейтти.
түркийә авази радийоси хәвири: шотландийәниң гласгов шәһиридә чақирилған 26-нөвәтлик бирләшкән дөләтләр тәшкилати килимат өзгириши йиғинида сөз қилған гирузийә баш министири иракли гарибашвили, килимат өзгиришиниң гирузийәниң, омумән кавказ райониниң тәбиий гүзәлликлиригә еғир зийан салғанлиқини оттуриға қойуп, мундақ деди: «көркәм тағлар, гүзәл муз тағлар вә дәрйалар билән тонулған кавказ райони, килимат өзгириши сәвәбидин % 40 муз тағлиридин айрилип қалди, пәқәт йеқинқи 20 йил ичидила, гирузийәниң шәрқий қисмида ғайиб болған муз тағларниң нисбити, 20-әсирниң ахирлиридики мөлчәрләрдин ешип кәтти.»
йәр шариви тәбиий апәтләрдин сақлиниш үчүн барлиқ дөләтләрниң әң үнүмлүк усулда күрәш қилиши керәкликини оттуриға қойған гарибашвили, бирләшкән дөләтләр тәшкилати баш катипиниң, һөкүмәтләр ара килимат өзгириши кеңишигә сунған әң йеңи доклатини толуқ қоллайдиғанлиқлирини қәйт қилди.
у йәнә, йиғин нәтиҗисиниң пүткүл дунйа үчүн интайин муһимлиқиниму сөзлиригә илавә қилди.
