дунйадики әң бай 20 дөләттә карбон қойуп бериш миқдари көпәймәктә
б б с килимат очуқ-ашкарилиқ доклатини елан қилип, дунйадики әң бай 20 дөләттә карбон қойуп беришниң тез ешиватқанлиқини билдүрди.
түркийә авази радийоси хәвири: б б с килимат очуқ-ашкарилиқ доклатини елан қилди.
доклатта, вухән вируси вабаси сәвәбидин 2020-йили %6 төвәнлигән карбон оксид нисбитиниң, бу йил (2021) G20 дөләтлиридә %4 ашидиғанлиқи оттуриға қойулди.
доклатта, хитай, һиндистан вә аргентина қатарлиқ дөләтләрниң 2019-йилдики карбон қойуп бериш миқдариниң ашидиғанлиқи؛ таш қатма йеқилғулириниң изчил қоллинилиши сәвәбидин йәр шариниң иссип кетишини тизгинләш тиришчанлиқлириниң тәсиригә учриғанлиқи қәйт қилинди.
йәр шариниң иссип кетишигә сәвәб болған карбон қойуп беришниң тәхминән %75 гә G20 дөләтлириниң мәсул икәнлики тәкитләнгән доклатта, бу йил (2021) G20 дөләтлиридә көмүр ишлитиш миқдариниң %5 ашидиғанлиқиниң мөлчәрләнгәнлики қәйт қилинди.
доклатта йәнә, бу ешишниң тәхминән %60 гә хитайниң мәсул икәнлики, америка билән һиндистанда көмүр ишлитиш миқдарида ешиш көрүлгәнлики билдүрүлди.
йәнә бир тәрәптин, бай дөләтләрдә қуйаш вә шамал енергийәсидин пайдилиниш нисбитидиму зор ешишларниң әмәлгә ашқанлиқи билдүрүлгән доклатта, 2020-ийли %10 болған қайта пайдиланғили болидиған енергийә мәнбәлириниң %12 чиққанлиқи әскәртилди.
