كىشىدا فۇمىئو ياپونىيەنىڭ يېڭى باش مىنىستىرى بولۇپ سايلاندى

تۈركىيە ئاۋازى رادىيوسى خەۋىرى: كىشىدا فۇمىئو، «LDP» پارتىيەسىنىڭ شۇنداقلا ئۇنىڭ شېرىكى كومېيتو پارتىيەسىنىڭ قولىدىكى 465 ئورۇندۇقلۇق ئاۋام پالاتاسى (شۇگىن) پارلامېنت ئەزالىرىدىن جەمئىي 311 ئەزانىڭ بېلىتىگە ئېرىشىپ، ياپونىيەنىڭ 100 - باش مىنىستىرى بولۇپ سايلاندى.

«LDP» پارتىيەسىنىڭ ئالدىنقى ھەپتە ئۆتكۈزۈلگەن رەھبەرلىك سايلىمىدا، كىشىدا رەقىبلىرى ئىسلاھات مىنىستىرى كونو تارو بىلەن سابىق ئىچكى ئىشلار مىنىستىرى نودا سەيكو ۋە ئۇچۇر - ئالاقە مىنىستىرى تاكاچى سانانى مەغلۇب قىلغان ئىدى.

كىشىدا 2021-يىلى 31 – ئۆكتەبىردە ئۆتكۈزۈلىشى پىلانلانغان چوڭ سايلامغىچە باش مىنىستىرلىق ۋەزىپىسىنى ئۆتەيدۇ.