fujiyende qatnash toxtitildi

türkiye awazi radiyosi xewiri: xitayning sherqidiki fujien ölkisige qarashliq putian shehiride yerlik menbelik wuxen wirusi bilen yuqumlinish bayqal؛ghandin kéyin, rayonda keng kölemlik karantin tedbirliri yolgha qoyuldi.

«yershari waqit géziti» ning xewirige asaslanghanda, döletlik sehiye komitéti 2 milyon 900 ming nopusqa ige fujiyen shehiride jüme künidin buyan 24  kishining wuxgn wirusi bilen yuqumlanghanliqi bayqalghan. bulardin 18 nepiri héchqandaq késellik alamiti körülmeydighan türdiki yuqumlinishqa giriptar bolghan.

sheherdiki bimarlardin we wirus toshughuchilardin élinghan ewrishkilerning deslepki tekshürüshide, yuqumlinish nisbiti yuqiri délta wariyanti bayqalghan.

döletlik sehiye komitétining yuqumni kontrol qilish üchün rayongha mutexessisler wekiller ömiki ewetkenliki, weqe yüz bergen shyenyaw nahiyesige qarashliq 6 yézidiki ahalilerge keng kölemlik sinaq élip bérilghanliqi bildürüldi.

yuqum sewebidin fujiyen ölkiside sheher  ichi we sheherler ara ammiwi aptobus we poyiz qatnishitoxtitildi. kinoxana, qehwexana, chéniqish zalliri we bir qisim karxanilar waqtinche ishtin toxtitildi.

sheherdiki ashxanilar we talla bazarlirida xéridarlarning sanini cheklesh we kirish éghizida témpératura ölchesh buyruqi chiqirildi. oqughuchilarning ders waqtida maska taqishi mejburiy halgha keltürüldi.

wuxen wirusi yuqumi tunji qétim xitayda otturigha chiqqan bolup, hazirghiche xitayda 4 ming 636 kishining yuqum sewebidin qaza qilghanliqi, 95 ming 199 kishide wirus bayqalghanliqi ilgiri sürülmekte.