б д т афғанистан үчүн инсанпәрвәрлик йардәм конферанси чақириду

түркийә авази радийоси хәвири: бирләшкән дөләтләр тәшкилати баш катипиниң байанатчиси степһан дуҗаррич, мухбирларни күтүвелиш йиғинида қилған сөзидә, афғанистандики муһим инсанпәрвәрлик йардәмләрни давамлаштурушқа керәклик болған мәбләғни тамамлаш мәқситидә җәнвәдә алий дәриҗилик рәһбәрләрниң иштирак қилишида йиғин чақирилидиғанлиқини, бирләшкән дөләтләр тәшкилати баш катипи антонйо гутерешниңму йиғинға қатнишидиғанлиқини уқтурди.

бирләшкән дөләтләр тәшкилати,  афғанистандики инсанпәрвәрлик йардәмләрни давамлаштуруш үчүн  1.3 милйард долларға еһтийаҗлиқ болуп, һазирғичә бу мәбләғниң пәқәт % 39 тила тамамланди.

бирләшкән дөләтләр тәшкилати афғанистанда инсаний палакәт йүз бериш хәвпиниң барлиқи тоғрулуқ агаһландуруш чиқарған болуп, 38 милйон киши йардәмгә муһтаҗ икән, бирләшкән дөләтләр тәшкилати даирилириниң қаришичә, һәр 3 афғанистан пуқрасидин бири, кейинки нениниң қәйәрдин келидиғанлиқини билмәйдикән.

бирләшкән дөләтләр тәшкилатиниң мунасивәтлик доклатиға қариғанда, 5 йаштин кичик афған балиларниң тәхминән йерими, алдимиздики 12 ай ичидә адәттин ташқири йетәрлик дәриҗидә узуқлинамаслиқ хәвпигә дуч келидикән.

америка қошма иштатлири билән талибанлар оттурисида, 2020 – йили февралда һасил қилинған «тинчлиқ келишими» даирисидә, бу йил хәлқаралиқ күчләрниң афғанистандин чекиниши билән башланған басқучтин кейин, пайтәхт кабулни қоршав астиға алған талибанлар, 15 – авғуст күни пирезидент әшрәф ғениниң дөләтни тәрк етишидин кейин, шәһәрни тоқунушсиз һалда контрол астиға алғаниди.

америка қошма иштатлири, 13 – авғуст күни афғанистандин әскәр чекиндүрүш басқучини тамамлиғаниди.