daésh kerkükte tok liniyelirige hujum qildi
térrorluq teshkilati daéshning iraqning kerkük shehiridiki tok liniyelirige qilghan hujumida 7 munar weyran boldi.
türkiye awazi radiyosi xewiri: kerkük tok tarqitish shirkiti teripidin élan qilinghan yazma bayanatta, térrorluq teshkilati daésh mensuplirining kerkük shehirining jenubidiki riyad nahiyesi etrapida tok liniyelirige hujum qilghanliqi, hujumda 7 munarning weyran bolghanliqi, buning netijiside kerkük sheher merkizi we bir qisim nahiyelerde tok üzülüp qalghanliqi qeyt qilindi.
daéshchi térrorchilar teripidin tok liniyesidiki 7 munarning astigha orunlashturup qoyulghan partlatquchlarning yiraqtin kontrol qilinidighan tizginek bilen partlitilghanliqi bildürülgen bayanatta, yéqindin buyan döletning éléktr ul eslihelirige qarita bundaq hujumlarning üzlüksiz dawamlishiwatqanliqi eskertildi.
bayanatta bildürülüshiche, bolupmu yaz aylirida uzun tok üzülüp qélish ehwalliri nahayiti köp körülidighan iraqta, yéqinqi bir ay ichide musul, kerkük we salahidin wilayetliridiki yuqiri bésimliq liniyeler dawamliq hujumgha uchrimaqta iken.
baghdad hökümiti, dölettiki éléktr ul eslihelirige qaritilghan hujumning arqisida térrorluq teshkilati daéshning barliqini bildürmekte iken.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
