béyjingda wuxen wirusi tedbirliri qayta yolgha qoyuldi

türkiye awazi radiyosi xewiri: jenubiy xitay seher pochtisi gézitining xewiride qeyt qilinishiche, wuxen wirusi délta wariyantining béyjingda tarqilishining aldini élish meqsitide, sheherge bolghan ayropilan seperliri, poyiz we aptobus qatnashliri toxtitilghan.

xitayning jyangsu ölkisidiki nenjing shehiride wuxen wirusining eng tarqilishchan bolghan délta wariyantining bayqalghanliqi élan qilinghandin kéyin, 27 sheherde 350 din köp kishining délta wariyanti bilen yuqumlanghanliqi éniqlandi.

béyjingda hazirghiche wuxen wirusigha munasiwetlik töt weqe bayqaldi.

béyjing mesulliri etraptiki rayonlardin sheherge wirusning tarqilishini tosush meqsitide, xeterlik rayonlardin kelgen kishilerge qaritilghan tedbirlerni kücheytishni qarar qildi.

yolgha qoyulghan tedbirler ramkisida, wuxen wirusi délta wariyanti bayqalghan sheherlerdiki hemme kishining paytext béyjinggha bérishi cheklendi. bu sheherlerdin béyjinggha qilinidighan ayropilan seperliri, poyiz we aptobus qatnishi toxtitildi.

bélet zakas qilish tor betliride, délta wariyanti körülgen nenjing shehiri we jangjya jéy rayonlirigha poyiz béletlirining yoqluqi körüldi.

dölet idare-organliri we dölet shirketliri xizmetchilirining wirus bayqalghan sheherlerge sayahetke bérishi yaki idare-organlarning bu sheherlerge sayahet teshkillishi cheklendi.

wirus bayqalghan sheherlerge barghan béyjingliqning 14 künlük karantindin kéyin salametlik tekshürüsh netijisi menpi bolmastin sheherge kirishi cheklendi.