исраилийә әскәрлири йариландурған пәләстинлик бала өлди
исраилийә әскәрлириниң ишғал астидики ийордан дәрйасиниң ғәрбий қирғиқи районида көксигә оқ етип еғир йариландурған пәләстинлик бала һайатидин айрилди.
1681977
түркийә авази радийоси хәвири: пәләстин сәһийә министирлиқи тәрипидин елан қилинған йазма байанатта, исраилийә әскәрлири ийордан дәрйасиниң ғәрбий қирғиқиға җайлашқан әлхәлил шәһиригә қарашлиқ бәйт уммәр районида көксигә оқ етип еғир йариландурған 12 йашлиқ муһәммәд әләлламиниң давалаш үнүм бәрмәй қаза қилғанлиқи билдүрүлди.
пәләстинниң рәсмий хәвәр агентлиқи (в афа) ниң хәвәр қилишичә, пәләстинлик паалийәтчи муһәммәд авад, бәйт уммәр районида һечқандақ бир вәқәниң йүз бәрмигән болушиға қаримай, исраилийә әскәрлириниң қәстән йолдин өткән бир аптомобилни оққа тутқанлиқини, буниң нәтиҗисидә аптомобилда дадиси билән биллә болған 12 йашлиқ муһәммәд әләллами исимлик балиниң еғир йариланғанлиқини билдүргәниди.
