хитай: америка мунасивәтләрни қатмал һаләткә чүшүрди
хитай һөкүмити американиң икки дөләт мунасивәтлирини айиғи чиқмас қатмал һаләткә чүшүргәнликини билдүрди.
түркийә авази радийоси хәвири: хитай муавин ташқи ишлар министири ши фиң америка муавин ташқи ишлар министири вендй шерман (WendySherman) ниң тйәнҗен шәһиридики зийарити үстидә тохталди.
у американиң икки дөләт мунасивәтлирини айиғи чиқмас қатмал һаләткә чүшүрүш билән әйибләп, америкадин «интайин хата болған қаришини вә хәтәрлик сийаситини өзгәртиш» ни тәләп қилди.
у америка пирезиденти җо байдин һөкүмитиниң хитайниң тәрәққийатини контрол астиға елишқа вә бастурушқа урунуватқанлиқини билдүрди.
у тәрәпләр оттурисидики мунасивәтләрниң еғир мәсилиләргә дуч келиштики асасий сәвәбниң, бәзи америкалиқларниң хитайни «хийалий дүшмән» дәп тонуши икәнликини әскәртип, хитайниң ихтилаплиқ мәсилиләрдә өз пикрини сақлап қелиш билән биргә, ортақ мәсилиләрдә сөһбәтлишишни үмид қилидиғанлиқини илгири сүрди.
хитай ташқи ишлар министири ваң йи 24-ийул (2021) бир телевизийә қанилиниң зийаритини қобул қилғанда американи әйибләп, күчидин пайдилинип башқа дөләтләргә бесим қиливатқанлиқини ейтқан иди.
