африқада 1.2 милйард киши хәтәр астида йашимақта
африқада 1.2 милйард кишиниң сақлиқ ишлириниң начар болуши сәвәбидин хәтәр астида йашаватқанлиқи билдүрүлди.
түркийә авази радийоси хәвири: африқа тәрәққийат банкасиниң башлиқи акинвуми адесина байанат елан қилип, 1.2 милйард африқалиқниң һайатиниң вухән вируси (Kovid-19) йуқуминиң оттурисида, сақлиқ хизмәтлиригә йетәрлик еришәлмәслик хәтири астида икәнликини ейтти.
у африқа тәриққийат банкасиниң вабаниң иқтисад вә сәһийәгә көрситиватқан тәсирлиригә қарши күрәш қиливатқанлиқини әскәртип, африқа дөләтлиригә болған қоллишини техиму күчәйтидиғанлиқини қәйт қилди.
у африқа тәрәққийат банкасиниң йәрлик ваксина тәтқиқатиға вә африқаниң сәһийә системисиға зор мәбләғ аҗритидиғанлиқини билдүрүп, дөләт сәһийә орунлириниң %51 дә пакизә су вә %31 дә електир барлиқини қәйт қилди.
у йәнә, африқада дориларниң %70-60 ниң импорт қилинидиғанлиқини әскәртти.
у африқада 1.2 милйард кишиниң һайатиниң хәтәр астида икәнликини тәкитләп: «биз кирими қандақ болушидин қәтийнәзәр, һәр бир африқалиқни сүпәтлик сақлиқ хизмәтлири, сағламлиқ суғуртиси вә иҗтимаий капаләттин бәһриман болушиға капаләтлик қилиш арқилиқ намрат вә аҗиз кишиләргә үмид беришимиз керәк» деди.