16 – нөвәтлик сүрийә музакирилири қазақистанда өткүзүлиду
«ковид – 19» йуқуми сәвәбидин кечиктүрүлгән «сүрийә» темилиқ астана музакирилири 7 – 8 – ийул күнлири қазақистанниң пайтәхти нурсултан шәһиридә өткүзүлиду.
1664376
түркийә авази радийоси хәвири: қазақистан ташқи ишлар министирлиқиниң билдүрүшичә, музакириләргә, капаләтчи дөләтләр түркийә, иран вә русийәдин сирт йәнә, сүрийәдин бәшшәр әсәд һакимийити вә һәрбий өктичиләрниң вәкиллириму қатнишидикән.
музакириләргә, бирләшкән дөләтләр тәшкилатиниң алаһидә вәкили, ийорданийә, ливан вә ирақму көзүткүчи сүпитидә иштирак қилидикән.
игилинишичә, сүрийәниң нөвәттики вәзийити, инсанпәрвәрлик йардәм буйумлириниң йәткүзүп берилиши, җәнвәдики сүрийә асасий қанун комитети паалийәтлириниң қайтидин башлитилиши, тутқун алмашутуруш, гөрүгә еливелинғанларниң қойуп берилиши вә йоқап кәткәнләрниң сүрүштә қилиниши қатарлиқ ишәнчни ашуруш тәдбирлириму, музакириләрдә асаслиқ күнтәртип маддилири болидикән.
