америка оттура шәрқтинму әскәр чекиндүридиған болди

түркийә авази радийоси хәвири: америка дөләт мудапиә министири  лойд остинниң 2-ийулда муһәммәд бин салман билән өткүзгән телефон сөһбитидә, американиң оттура шәрқтә турушлуқ нәччә йүзлигән әскирини, уруш айропиланлири вә һава мудапиә системилирини чекиндүридиғанлиқини билдүргәнлики илгири сүрүлмәктә.

«Wall Street Journal» гезитиниң америка мәсуллирини мәнбә көрсәткән хәвиридә, америка пирезиденти җо байдин һөкүмитиниң һәрбий мәвҗутлуқини афғанистандин кейин, оттура шәрқтики башқа дөләтләрдиму көрүнәрлик дәриҗидә азайтишқа башлиғанлиқи билдүрүлди.

хәвәрдә, америка дөләт мудапиә министирлиқи (бәшбурҗәклик бина) ниң кувәйт, ирақ, ийорданийә вә сәуди әрәбистанға орунлаштурулған 8 вәтәнпәрвәр һава мудапиә системисини чекиндүридиғанлиқи илгири сүрүлди һәмдә сәуди әрәбистан нефит завутлириға қилинған 2019-йили 9-айниң 14-күнидики һуҗумдин кейин сәуди әрәбистанға орунлаштурулған йүксәк терминал район мудапиә системиси (THAAD) ниму чекиндүргәндин башқа йәнә, райондики һава армийәси филотиниңму санини азайтиидиғанлиқи оттуриға қойулди.

хәвәрдә, нәччә йүзлгән әскәрниң райондин чекиндүрүлидиғанлиқи әскәртилип, чекинидүрүшниң 2- ийунда остин билән бин салман оттурисидики телефон сөһбитидин кейин башланғанлиқи вә һазирға қәдәр қайтуруп келингән үскүниләрниң асасән дегүдәк сәуди әрәбистандин чекиндүрүлгәнлики илгири сүрүлди.

гезиткә байанат бәргән, әмма исминиң ашкарлинишини халимиған бир мәсул бу чекинишкә қарита районда илгири көпәйтилгән һәрбий мәвҗутлуқниң кона сәвийәсигә қайтурилиши, дәп баһа бәрди.

америка дөләт мудапиә министирлиқи (бәшбурҗәклик бина)  һәрикәтниң бихәтәрлики вә остин билән бин салман оттурисидики сөһбәтниң мәхпийәтликини баһанә қилип, бу ишни дәлилләшни рәт қилди.

америка районда күнсери күчийиватқан иран һуҗумлириға қарита 2020- йили декабирда ирақ вә кувәйткә вәтәнпәрвәр башқурулидиған бомба һава мудапиә системилирини әвәткән иди.