йавропа иттипақи: мәсилиләрни пикрий мүлкийәт һоқуқлиридин ваз кечиш арқилиқ һәл қилғили болмайду
йавропа иттипақи комитетиниң башлиқи урсула вон дер лейен, «ковид – 19 йуқуми» ваксинилирида пикрий мүлкийәт һоқуқлиридин ваз кечиш арқилиқ мәсилиләрни һәл қилғили болмайдиғанлиқини ейтти.
түркийә авази радийоси хәвири: лейен, португалийәниң порто шәһиридә өткүзүлгән «иҗтимаий ишлар башлиқлар йиғини» дин кейин өткүзүлгән ахбарат елан қилиш йиғинида, «ковид – 19 йуқуми» ваксинилирида пикрий мүлкийәт һоқуқлиридин вақитлиқ ваз кечилишигә мунасивәтлик талаш - тартишлар һәққидә тохтилип мундақ деди: «мениңчә бу мәсилә һәққидә муназирә елип беришқа һазирлиқ көрүп қойушимиз керәк. дәрвәқә, бу мәсилиниң даириси наһайити кәң болуп, һазир ваксиниларға еһтийаҗимиз бар, пикрий мүлкийәт һоқуқлиридин ваз кечиш билән мәсилиләрни һәл қилғили болмайду, қисқа вә оттура мәзгилдә бирла қута ваксина тәтқиқ қилип йасаш нишаниға йәткили болмайду.»
алди билән, ваксиниларни ортақлишиш, ишләпчиқирилған ваксиниларниң експорт қилиниши вә ваксина ишләпчиқириш иқтидариниң ашурулушиға қарита мәбләғ селишиниң зөрүрлүкини қәйт қилған лейен, йавропада тәтқиқ қилип йасап чиқилған ваксиниларниң йеримини дегүдәк експорт қилғанлиқлирини, һазирғичә 90 дөләткә 200 милйон қута ваксина әвәткәнликлирини тәкитлиди.
у йәнә, пикрий мүлкийәт һоқуқлиридин ваз кечишкә мунасивәтлик талаш – тартишларға дахил болуватқан башқа дөләтләрниму өзлири ишләпчиқарған ваксиниларни експорт қилишқа чақирди.
