لىۋىيە: تۈركىيە بىلەن تۈزۈلگەن كېلىشىم مەسىلىسىدىكى قارىشىمىز گىرېتسىيەنىڭ قارىشى بىلەن ئوخشاش ئەمەس

تۈركىيە ئاۋازى رادىيوسى خەۋىرى: لىۋىيە باش مىنىستىرى ئابدۇلھەمىد دىبەيبە، دۆلىتى بىلەن گىرېتسىيە ئوتتۇرىسىدا لىۋىيە بىلەن تۈركىيە ئوتتۇرىسىدا  ئىمزالانغان دېڭىز ئىگىلىك ھوقۇقى چەك – چېگراسىنى بېكىتىش كېلىشىمىگە دائىر بەزى ئىختىلاپلارنىڭ بارلىقىنى بىلدۈردى.

ئابدۇلھەمىد دىبەيبە قاتارنىڭ «ئەلجەزىرە» قانىلىنىڭ «لىۋىيە كىرىزىسى» غا مۇناسىۋەتلىك ئەڭ يېڭى ئەھۋاللار توغرىسىدىكى سوئاللىرىغا جاۋاب بەردى.

پىروگرامما رىياسەتچىسىنىڭ، تۈركىيە بىلەن لىۋىيە ئوتتۇرىسىدا 2019 – يىلى 27 – نويابىردا ئىمزالانغاندىن گىرېتسىيە ئېتىراز بىلدۈرگەن «دېڭىز ئىگىلىك ھوقۇقى چەك – چېگراسىنى بېكىتىش كېلىشىمى» توغرىسىدىكى سوئالىغا جاۋاب بەرگەن ئابدۇلھەمىد دىبەيبە، كېلىشىمنىڭ كۈچكە ئىگە بولۇشنى داۋاملاشتۇرىدىغانلىقىنى بىلدۈرۈپ: «تۈركىيە بىلەن لىۋىيە ئوتتۇرىسىدىكى دېڭىز ئىگىلىك ھوقۇقى چەك – چېگراسىنى بېكىتىش كېلىشىمى مەسىلىسىدە گىرېتسىيە بىلەن ئوخشاش پىكىردە ئەمەسمىز. لىۋىيەلىكلەرگە پايدىلىق بۇ كېلىشىمدىن يالتايمايمىز» دېگەنلەرنى قەيت قىلدى.