байдин һөкүмити көчмән қобул қилиш чәклимисини ашурди
америка қошма иштатлири пирезиденти җо байдин, алдинқи пирезидент доналд трамп һөкүмити 2021 – йиллиқ иқтисадий ишлар даирисидә бекиткән 15 миң көчмән қобул қилиш чәклимисини 62 миң 500 гә чиқарди.
1633368
түркийә авази радийоси хәвири: байдин, трамп һөкүмити дәвридә дөләт тарихидики әң төвән сәвийәгә чүшүрүлгән көчмән қобул қилиш чәклимиси тоғрулуқ йазма байанат елан қилди.
байанатта, 2021 – йиллиқ иқтисадий ишлар даирисидә көчмән қобул қилиш чәклимисини 62 миң 500 гә чиқарғанлиқлирини әскәрткән байдин, мундақ деди: «тарихий җәһәттин әң төвән сәвийә болған 15 миң көчмән қобул қилиш чәклимиси, америка қошма иштатлириниң милләт болуш сүпити билән көчмәнләрни қобул қилғанлиқи вә йардәм бәргәнликидин ибарәт һәқиқәтни әкс әттүрмәйтти.»
җо байдин йәнә, 2022 – йиллиқ иқтисадий ишлар даирисидиму көчмән қобул қилиш чәклимисини 125 миңға йәткүзүшни нишан қиливатқанлиқлирини билдүрди.
