америкада асийалиқларға (хитайға) қарши нәпрәт әвҗ алмақта
америкада асийалиқларға (хитайға) қарши нәпрәт җинайитидә, бу йил (2021) ниң биринчи пәсилдә %164 лик ешиш көрүлди.
түркийә авази радийоси хәвири: калифорнийә иштатлиқ университетиға қарашлиқ нәпрәт вә ашқунлуқ тәтқиқат мәркизи тәрипидин сақчиларниң доклатини мәнбә қилип елип берилған тәтқиқатларға асасланғанда, американиң әң чоң 16 шәһиридә мәлум қилинған нәпрәт җинайитиниң сани, бултур (2020) ниң биринчи пәслидә %36 болуп, бу йил охшаш мәзгилдә %164 лик ешиш билән %95 кә өрлигән.
нәпрәт җинайити әң көп көрүлгән шәһәрләр арисида %223 лик ешиш билән нйу йорк биринчи, %140 лик ешиш билән сан фирансиско иккинчи вә %80 лик ешиш билән лос анжелис үчинчи болған.
асийалиқларға (хитайға) болған қаршилиқниң нәпрәт җинайитигә түрткә болғанлиқи тәкитләнгән тәтқиқатта, болупму вухән вируси (ковид-19) йуқуминиң теги хитай америка пуқралириға қаритилған нәпрәт җинайитини күчәйтивәткәнлики билдүрүлгән.
америкадики әсли хитай болған америка пуқралириға қаритилған нәпрәт вә айримчилиқ делолирини назарәт қилидиған тәшкилатлардин бирси «Stop AAPI Hate» тәшкилатиниң әң йеңи доклатида, америкада 2020-йили 19-марттин 2021-йили 28- февралғичә болған арилиқта 3795 өчмәнлик җинайитиниң доклат қилинғанлиқи уқтурулди.
америка кеңәш палатаси 23-апрелда америкада йашайдиған асийалиқларға қарита вухән вируси йуқуми сәвәбидин әвҗ еливатқан нәпрәт җинайитигә қарши «ковид-19 нәпрәт җинайити қануни» ни тәстиқлиған иди.
бу қанун даирисидә, әсли асийалиқ америка пуқралириға қаритилған нәпрәт җинайәтлири әйибләнгән болуп, вухән вирусиға четишлиқ нәпрәт җинайәтлириниң әдлийә министирлиқи даирисидә тезрәк тәкшүрүлүши үчүн йеңи бир гуруппаниң қурулуши қарар қилинған иди.
