исраилийә өлтүргән вә җәситини 3 йилдин кейин тапшурған пәләстинлик өсмүр дәпнә қилинди

түркийә авази радийоси хәвири: ғәззәниң рафаһ шәһиридә 2018-йили 29-майда өткүзүлгән тинч намайишларда, исраилийә әскәрлири оққа тутуп шеһит қилған  йүсүп әбу җәзәрниң дәпнә мурасими рафаһ шәһиридики бир җамидә өткүзүлди.

дәпнә мурасимиға қатнашқучилар пәләстин байриқини көтүрүшүп, «уруш җинайәтчиси» исраилийәниң сотқа тартилиши керәклики һәққидә чақириқ елан қилди.

пәләстинлик өсмүрниң җиназиси мурасимдин кейин шәһәр қәбристанлиқиға дәпнә қилинди.

исраилийә һөкүмити пәләстинлик өсмүр йүсүп әбу җәзәрниң җәситини 3 йилдин бери алқинида тутуп кәлгән болуп, пәйшәнбә күни бәйти ханундики исраилийә тәкшүрүш понкитида, җәсәтни ата - аниси әбу җәзәргә вә мизан кишилик һоқуқ мәркизиниң адвокатиға тапшуруп беришкән иди.

мизан кишилик һоқуқ мәркизиниң санлиқ мәлуматлириға асасланғанда, ғәззәниң исраилийә чеграсида 2018-йили 30-мартта башланған «бүйүк қайтиш йүриши» намайишидин кейин исраилийә даирилири 5 кичик балиниң җәситини қошқанда, җәмий 22 пәләстинликниң җәситини қайтурмай сақлап кәлмәктә иди.

мизан кишилик һоқуқ мәркизи бу пәләстинликләрдин һазирғичә аран 3 кишиниң җәситиниң аилисигә тапшуруп берилгәнликини елан қилди.