бүгүн ақ деңиздики көчмәнләр паҗиәсидә 100 қанунсиз көчмән қаза қилди
ақ деңизда қанунсиз көчмән олтурған кавчук кеминиң чөкүп кетиши нәтиҗисидә, дәсләпки тәкшүрүшләргә асасланғанда 100 нәпәр көчмән қаза қилған.
түркийә авази радийоси хәвири: җәнвә мәзкәзлик хәлқара көчмәнләр тәшкилати (IOM) ниң тивиттер һесабида елан қилинған байанатида, оттура ақ деңизида йүз бәргән вәқәдә кәм дегәндә 100 кишиниң қаза қилғанлиқиға даир доклат барлиқи билдүрүлди.
ақ деңиздики издәш-қутқузуш паалийәтлиригә қатнашқан фирансийәниң аммиви тәшкилати «SOS» ниң байанатида, «бүгүн бир нәччә саәт давамлашқан издәш қутқузуш хизмәтлиримиздин кейин, әң чоң қорқунчимиз әмәлийләшти. <окйан викиң парахати> хадимлири тириполиниң шәрқий шималида кавчук кеминиң қалдуқлириға шаһит болди. чаршәнбә күни әтигәндә бу кеминиң 130 кишини елип маңғанлиқи, вә қийинчилиққа дуч кәлгәнлики хәвәр қилинған иди» дейилди
фирансийәниң аммиви тәшкилати «SOS» окйан викиң парахатининиң ақ деңиздики нәқ мәйданға йетип келип, аз дегәндә 10 җәсәт тапқанлиқини, һайат қалғанларин һеч кишини көрмигәнликини һәмбәһирлиди.
