руһани: американиң бесими сәвәблик ваксина сетивелишимиз тосалғуға учриди

түркийә авази радийоси хәвири: дөләтниң һәр қайси районлиридики қурулуши тамамланған учур техникиси вә йеңилиқ йаритиш түрлирини хизмәткә кириштүрүш мурасимиға син көрүнүшлүк иштирак  қилған  пирезидент руһани, ковид - 19 гә қарши йасалған ваксинилар вә ваксина сетивелиш җәрйани тоғрисида тохталди.

ваксина сетивелиш үчүн бир қатар қәдәмләрни ташлиғанлиқлирини, шундақла йәрлик ваксина ишләпчиқириш хизмәтлириниңму давамлишиватқанлиқини билдүргән руһани: «биз бир дөләт билән келишим имзалиғанидуқ, америкалиқлар буниңға тосқунлуқ қилди. иранға 10 милйон қута ваксина әвәтиши күтүлүватқан ширкәтләргә бесим қилип, ишларни тохтитип қойди. йәрлик ваксиниларни ишләпчиқириш вә базарға селиш тиришчанлиқлири давамлишиватиду» деди.

у, барлиқ дөләтләрниң ваксина мәсилисигә дуч кәлгәнликини байан қилип, дунйадики ваксина ишләпчиқиришниң йетәрлик әмәсликини, нөвәттики еһтийаҗни қандуралмайдиғанлиқини сөзлиригә илавә қилди.