исраилийәниң ғәззәдә давамлаштуруватқан қәтлиамлири давамида өлгәнләр сани 34 миң 305 кә йәтти
исраилийә армийәсиниң ғәззә районида уда 202 күндин буйан давамлаштуруватқан қәтлиамлири давамида һайатидин айрилған пәләстинликләрниң сани 34 миң 305 кә йәтти.
түркийә авази радийоси хәвири: ғәззәдики пәләстин сәһийә министирлиқиниң бу һәқтә елан қилған байанатида, исраилийә армийәсиниң ғәззә районида уда 202 күндин буйан давамлаштуруватқан қәтлиамлири һәққидә мәлумат берилди.
байанатта билдүрүлүшичә, исраилийә армийәсиниң йеқинқи 24 саәт ичидә ғәззә райониға қилған һуҗумлири давамида йәнә 43 пәләстинлик һайатидин айрилған, 64 пәләстинлик йариланған.
шуниң билән, исраилийә армийәсиниң 7-өктәбирдин башлап ғәззә районида давамлаштуруватқан һуҗумлири давамида һайатидин айрилған пәләстинликләрниң сани 34 миң 305 кә, йариланғанларниң сани болса 77 миң 293 кә йәткән.
байанатта тәкитлинишичә, харабиликләрниң астида вә йол бойлирида өлүкләр бар икән, әмма исраилийә әскәрлириниң тосалғуси сәвәбидин, давалаш әтрәтлири билән хәлқ мудапиә хадимлириниң бу җайларға баралиши вә җәсәтләрни елип кетиши мумкин әмәс икән.
