полша украиналиқ йашларниң урушқа қатнишиши үчүн тәдбир қоллинидиған болди
полша дөләт мудапиә министири владлав косиниак камйсиз полшаниң әскәрлик йашға йәткән украина пуқралириниң украинаға қайтип кетишигә йардәм беришкә тәййар икәнликини ейтти.
түркийә авази радийоси хәвири: украина һөкүмити чаршәнбә күни әскәрлик йашға йәткән украина пуқралириниң паспортлирини пәқәт дөләт ичидила йеңилийалайдиғанлиқини, украинаниң чәтәлдики вакәләтханилирида йеңилийалмайдиғанлиқини еан қилған иди.
йеңи шәртләргә асасланғанда, 18 йаштин 59 йашқичә болған украиналиқ әрләр әгәр дөләт сиртида болса, паспортлирини йеңилийалмайдикән.
полша дөләт мудапиә министири владлав косиниак камйсиз <Polsat News > телевизийә қанилиниң зийаритини қобул қилип, дөлитиниң бу мәсилидә украинаға йардәм беришкә тәййар икәнликини ейтти.
министир косиниак камйсиз: «нурғунлиған полшалиқларниң меһманханиларда туриватқан вә қәһвәханиларда вақит өткүзүватқан украиналиқ йашларни көгәнликлири үчүн украинаға йардәм беришимиз керәкликигә даир сөзләрдин нарази болуватқанлиқини билимән. һазир тоқунуш районида туруватқан украиналиқларму башқа дөләтләргә кәткән тәңтүшлиригә қарита йахши туйғуда әмәс» деди әмма полша һөкүмитиниң зади қандақ тәдбирләрни қоллинишни ойлашқанлиқини билдүрмиди.
йавропа истатистика идарисиниң 2024 -йилиниң бешидики санлиқ мәлуматлириға асасланғанда, йавропа иттипақи дөләтлиридә 860 миң қурамиға йәткән әрни қошқанда, җәмий 4 милйон 300 миң украиналиқ йашайдикән.
