астразенека ваксинасини балиларда синақ қилиш тохтитилди
оксфорд универстети (Oxford) астразенека (AstraZeneca) ширкити билән тәтқиқ қилип йасиған вухән вируси(Kovid-19) ваксинасини балиларда синақ қилишни тохтатти.
түркийә авази радийоси хәвири: оксфорд универстети астразенека ваксинасиниң балиларда синақ қилишниң тохтитилғанлиқи тоғрисида байанат елан қилди.
байанатта: «балилар клинкилиқ тәкшүрүшидә бихәтәрлик әндишәси болмисиму, биз әнгилийә доригәрлик вә сақлиқни сақлаш мәһсулатлирини назарәт қилип башқуруш оргини (MHRA) ниң йеңи синақтин илгири чоңларда доклат қилинған аз учрайдиған қан томур қетишиш / қан томур өсмиси (қан уйулуш) ни тәкшүрүш тоғрисида қошумчә учурға еришишини үмид қилимиз» дейилди.
университет феврал (2021) дики байанатида, 6 йаштин 17 йашқичә болған 300 пидаий билән синақ елип баридиғанлиқини билдүргән иди.
әнгилийә доригәрлик вә сақлиқни сақлаш мәһсулатлирини назарәт қилип башқуруш оргини әнгилийәдики оксфорд-астразенека ваксинаси әмләнгән 18.1 милйон кишидин 30 иниң қан нокчисиға гириптар болғанлиқини, уларниң 7 нәпириниң 24-марттин башлап җенидин айрилғанлиқини елан қилған иди, әмма һазирғичә қан нокчиси шәкиллиниш билән буниң оттурисида қандақ бағлинишниң барлиқини көрситидиған һечқандақ пакитниң йоқлуқини елан қилған иди.
йавропа теббий дора идариси (EMA) түнүгүн (2021-йили 6-апрел) астразенека ваксинаси билән қан нокчиси оттурисида бағлиниш барлиқини, әмма сәвәбиниң техи ениқланмиғанлиқини билдүргән иди.
бәзи йавропа дөләтлири қан уйулушини кәлтүрүп чиқиридиғанлиқини сәвәб қилип мәзкур ваксинани әмләшни вақтинчә тохтатқан йаки йешиға асасән чәклимиләр қойулған иди.
