блумберг ваксина әмләшкә мунасивәтлик доклат елан қилинди

түркийә авази радийоси хәвири: вухән вирусиға қарши ваксина әмләшкә мунасивәтлик тәййарланған доклатқа асасланғанда, 151 дөләттә җәмий 658 милйондин артуқ ваксина әмләнгән болуп, бу дунйа нопусиниң %4.3 ниң әмләнгәнликини көрситидикән.

түркийә әң көп ваксина әмлигән дөләтләр арисида йәттинчи рәттин орун алған.

һәр қайси дөләтләрниң рәсмий интернет тор бәтлиридин вә рәсмий байанатлардин вабаға мунасивәтлик мәлуматларни анализ қилған блумберг, дунйа миқйасида тарқитилған вә әмләнгән ваксиналарниң доклатини тәййарлиди.

доклатта, дунйада күндилик ваксина әмләш нисбитиниң оттуричә һесаб билән 16.5 милйон данә ваксина икәнлики қәйт қилинди.

һәр қайси дөләтләр әмлигән ваксина сани бойичә рәткә тизилған тизимликтә, биринчи орунда америка, иккинчи орунда хитай, үчинчи орунда йавропа иттипақиға әза дөләтләрниң турғанлиқи, буларниң арқисидин һиндистан, әнглийә, биразилийә вә түркийә қатарлиқ дөләтләрниң келидиғанлиқи билдүрүлди.

тизимликтә йәттинчи орунда турған түркийәдә, 16 милйондин артуқ ваксинаниң әмләнгәнлики вә буниң билән %10 дин артуқ нопусиниң әмләнгәнлики әскәртилди.

германийә, һиндонезийә вә фирансийәниң тизимликтә алдинқи 10 дөләтниң ичидә икәнлики қәйт қилинди.