блинкен украинаниң земин пүтүнлүкини тәкитлиди
америка ташқи ишлар министири антони блинкен русийәниң «урушқақлиқи» ға қарши американиң «украинаниң игилик һоқуқи вә земин пүтүнлүкигә садиқлиқини» ни йәнә бир қетим тәкитлиди.
түркийә авази радийоси хәвири: америка ташқи ишлар министирлиқиниң байанатчиси нед прайс (Ned Price) министир антони блинкен билән украина ташқи ишлар министири дмитро кулеба (Dmitro Kuleba) ниң телефон сөһбити тоғрисида йазма байанат елан қилди.
байанатта: «министир антони блинкен русийәниң донбас вә қиримда давамлашқан урушқақлиқиға қарши украинаниң игилик һоқуқиға вә земин пүтүнлүкигә болған тәврәнмәс садиқлиқини йәнә бир қетим тәкитлиди» дейилди.
байанатта қәйт қилинишичә, антони блинкен украинаниң шәрқидики җиддийчилик тоғрисида әндишәсини тилға елип, җенидин айрилған украина әскәрлиригә тәзийә билдүргән.
у украинадики демократик идарә-органларни күчәйтиш вә қанунниң үстүнлүкини қоғдашни әскәрткән. вухән вируси(Kovid-19) вә килимат өзгиришгә қарши күрәш қатарлиқ мәсилиләр бойичә пикир бирлики һасил қилған.
донбасниң шуми районида 26-март (2021) русийә тәрәпдари бөлгүнчиләрниң оқ чиқириши нәтиҗисидә, төт украина әскири җенидин айрилған иди.
мәзкур районда намда мустәқиллиқини елан қилған русийә тәрәпдари бөлгүнчиләр билән кийев һөкүмити оттурисида 2014-йилидин буйан давамлашқан тоқунушларда 13 миңдин артуқ киши җенидин айрилған иди.
